Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 264 Hüküm no: 301 Orijinal metin no: [45a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Yani’nin borcuna karşılık olarak bir miktar hayvanını rehin vermesi Çoban tâifesinden Yorgi v. Yani nâm zimmî meclis-i şer‘-i hatîr-i lâzımü’t-tevkīrde işbu hâmilü’l-kitâb Ahmed b. Abdullah ve Mustafa b. Ali ve Şaban Beşe b. Mehmed nâm kimesneler mahzarlarında bi’t-tav‘ ve’r-rızâ ikrâr ve takrîr-i kelâm edip merkūm Ahmed’de süt bahâsından sekiz bin üç yüz ve merkūm Şaban Beşe’ye iki bin ve merkūm Mustafa’ya iki bin beş yüz nakd-i fıddî-i Osmânî râyic fi’l-vakt [akçe] deyn-i şer‘îm olup hâlâ bana âhar diyâra sefer lâzım gelmeğin silk-i mülk-i sahîhimde münselik ve münharıt olan yüz seksen beş re’s koyun ile dört re’s kuzumu mezbûrûnun yedlerinde meblağ-ı mersûm mukābelesinde rehin vaz‘ eyledim dedikde mukırr-ı mezbûru ikrâr-ı meşrûhunda mezbûrûn Ahmed ve Mustafa ve Şaban vicâhen tasdîk ve şifâhen tahkīk eylediklerinde gıbbe’t-taleb ketb olundu. Hurrire fi’t-târihi’l-mezbûr. Şuhûdü’l-hâl: Yusuf b. Cafer, Mehmed Bey b. Hasan el-Cündî Ali b. Hüseyin, Kasım b. Abdullah, Mustafa b. Mehmed, Dede b. Deniz, Mustafa b. Mehmed.