Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 183 Hüküm no: 153 Orijinal metin no: [20a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Efendi b. Şaban’ın, Mehmed Çelebi b. Hasan’daki alacağını istediği Mahmiye-i İstanbul’da Molla Şeref mahallesi sâkinlerinden bâ‘isü’l-kitâb Mahmud Efendi b. Şaban nâm kimesne meclis-i şer‘-i hatîr[de] Mehmed Çelebi b. Hasan nâm kimesne mahzarında üzerine da‘vâ ve takrîr-i kelâm edip mezbûr Mehmed Çelebi zimmetinde kendi malımdan elli beş kıt‘a esedî guruş vasîsi olduğum Ahmed b. Piyâle nâm sagīr malından yirmi esedî guruş cem‘an yetmiş beş esedî guruş hakkım olmağın asâleten ve vesâyetim hasebiyle taleb ederim suâl olunsun dedikde gıbbe’s-suâl mezbûr Mehmed Çelebi fi’l-hakīka vech-i meşrûh üzre müdde‘î-i mezbûra yetmiş beş kıt‘a esedî guruş zimmetinde lâzımü’l-edâ ve vâcibü’l-kazâ deyni olduğunu bi tav‘ihî ikrâr ve i‘tirâf etmeğin mûcebince meblağ-ı mezbûr yetmiş beş kıt‘a esedî guruşu müdde‘î-i mezbûra edâ ve teslîme mezkûr Mehmed Çelebi’ye tenbîh olunup mâ vaka‘a bi’t-taleb ketb olundu. Fi’l-yevmi’s-sâbi‘ min Cemâziyelevvel li sene seb‘a ve seb‘în ve elf. Şuhûdü’l-hâl: İbrahim b. ( ) el-Müezzin, Ali b. Ramazan, Ahmed b. Mehmed Ali, Şükrullah b. ( ).