Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 292 Hüküm no: 346 Orijinal metin no: [53a-3, Arapaça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Süleyman’ın muhâlaa yoluyla boşandığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Câmi‘-i Kebîr mahallesinde sâkine olan annesi Sâliha bt. Süleyman nâm hâtun kıbelinden âtiyyü’z-zikr hul‘ ve ibrâ ikrârına vekâleti kadı Sinan Efendi b. ( ) ve müderris Hüsameddin Efendi b. Ahmed nâm kimesnelerin şehâdetleri ile sâbit olan Mehmed Çelebi b. İbrahim nâm kimesne meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- bi’l-vekâle hâzır olup müvekkile-i mezbûresinin hâmil-i hâze’l-kitâb Osman b. Hamza nâm zevci ile muhâla‘a yaptığını ikrâr ve i‘tirâf etti. Mezbûr Osman da nikâhında ta‘ahhüd ettiği râyicü’l-vakt iki bin akçe-i Osmânî mehr-i müecceli ve aralarında ma‘lûm ve mu‘ayyen iddet nafakası ve zevcesinden aldığı yedi bin akçe deyni mukābilinde zevce-i mezbûresi ile muhâla‘a yaptı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sâdis ve’l-ışrîn min Şa‘bâni’l-mu‘azzam sene tis‘a ve ışrîn ve elf. Şuhûdü’l-hâl: Bayram Efendi b. Şükrullah hatîb-i câmi‘-i Zal, Abdi Çelebi b. Abdurrahman el-İmâm, Mehmed Çelebi b. Nasuh, Mustafa b. Sevindik el-Müezzin, Abdurrahman Çelebi b. Abdi el-Hammâmî, Mustafa b. Mehmed el-Muhzır, Perviz b. Abdullah el-Muhzır, Ali b. Abdullah el-Muhzır, Yusuf b. Abdullah el-Muhzır ve gayruhüm mine’l-hâzırîn.