Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 302 Hüküm no: 362 Orijinal metin no: [55b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Foti’nin ev yerini Yorgi v. Kosta’ya satması Oldur ki Vilâyet-i Rumeli’nde İnebahtı sancağında Yenişehir kazâsı müzâfâtından Fener nâhiyesinde Hohlu? nâm karyeden Yani v. Foti nâm zimmî meclis-i şer‘de yine karye-i merkūme sâkinlerinden Yorgi v. Kosta nâm zimmî mahzarında bi’t-tav‘ ve’r-rızâ ikrâr ve i‘tirâf edip karye-i mezbûrede vâki‘ bir tarafı Yorgi [v.] Çiçekli’ye ve bir tarafı vâdiye ve tarafeyni tarîk-i âma müntehî olup içinde olan eşcâr-ı müsmire ve gayr-ı müsmireyi müştemil olan mülk ev yerimi bi cemî‘i’t-tevâbi‘ ve’l-levâhık mezbûr Yorgi’ye iki bin beş yüz akçeye bâtten bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan menzil merkūm Yorgi’nin mülk-i müşterâsıdır keyfe mâ yeşâ ve yahtâr mutasarrıf olsun dedikde gıbbe’t-tasdîk mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr. Şuhûdü’l-hâl: Yorgi v. Çiçekli, Dimo v. Yorgi, Nikola v. Dimo, İstemad v. Mihayil, Yani v. Yorgi, Dimo v. Vilaverd, Dimo v. İstadi, Yorgo v. İstitra, Yani v. Halaki.