Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 314 Hüküm no: 380 Orijinal metin no: [58b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Mustafa’nın seferden dönmediği takdirde hanımı olan Râziye bt. Habib’i boşanma konusunda yetkili kılması İbrahim b. Mustafa nâm kimesne meclis-i şer‘de Câmi‘-i Kebîr mahallesi sâkinelerinden Râziye bt. Habib nâm hâtunun babası mezbûr Habib mahzarında takrîr-i kelâm edip târih-i kitâbdan altı ay tamâmına dek hâlâ gitdiğim seferden gelmezsem ve yâhud mezbûrenin nafakasını göndermezsem merkūme Râziye kendi nefsini murâd eylediği kimesneye tezvîc eyleyip irâdeti yedinde ola dediği kayd-ı sicil olundu. Hurrire fi’l-yevmi’l-hâdî aşer min Recebi’l-ferd li târihi’l-mezbûr. Şuhûdü’l-hâl: Hüseyin b. Hasan el-Mukayyid, Perviz b. Abdullah el-Muhzır, Mustafa b. Mehmed, Ali b. Abdullah.