Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 353 Hüküm no: 441 Orijinal metin no: [78a-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kokana bt. Babacan adlı yahudinin evini istiğlâl yoluyla Cafer Paşa Vakfı’na sattığı Mahmiye-i Kostantıniyye mahallâtından Karabaş mahallesinde sâkine olan Kokana bt. Babacan nâm yahudiye âtiyyü’z-zikr menzilini merhûm Cafer Paşa vakfı’na mütevellî olan hâmil-i hâze’l-kitâb fahrü’l-akrân Ali Ağa b. Abdülmennân’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla mezbûrenin işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ bir tarafdan Hâce Arslan v. ( ) nâm yahudi mülkü, diğer tarafdan Kamar bt. ( ) nâm yahudiye mülkü, öbür tarafdan deniz ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt kırk bin akçe-i Osmânî semen-i mu‘ayyen-i makbûz ile iştirâ etti. Bâyi‘a-i mezbûrenin menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr ayın gurresinden üç sene tamâmına on iki bin akçe ücret-i kirâ mukābilinde menzil-i merkūmu icâreye verdi. Mütevellî-i merkūm, vâki‘ ikrârı vicâhen ve şifâhen tasdîk etti. Sonra mukırra-i mezbûrenin oğlu Bâli v. İlya ve Antori v. Salamon nâm yahudiler menzil-i mezbûrun derkine ve asl-ı meblağ-ı mezbûra ve ücret-i merkūmeye îcâb ve kabûlü hâvî kefâletle kefîl oldular. Cerâ zâlike ve hurrire fi’l-yevmi’l-ışrîn min Ramazâni’l-mübârek sene 1029. Şuhûdü’l-hâl: Fahrü’l-meşâyihîn Ramazan Efendi şeyhü Dârü’l-hadîs bi vakfi’l-mezbûr, Derviş Efendi b. Mehmed el-Kâtib bi vakfi’l-mezbûr, İsmail Efendi b. Hüsrev el-Mülâzım, Halil Efendi b. Pîrî el-Mülâzım, Murad Efendi el-Müsta‘id, Mehmed Çelebi b. Mahmud, el-Hâc Turgud b. Durak, Abdurrahman Efendi b. Abdullah el-İmâm, Keyvan Bey b. Abdullah el-Câbî, diğer Keyvan Bey b. Abdullah, Mustafa b. Osman el-Câbî, Ali Bey b. Abdullah ve gayruhüm mine’l-hâzırîn.