Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 354 Hüküm no: 442 Orijinal metin no: [78b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yanaki v. Yorgi’nin evini istiğlâl yoluyla Cafer Paşa Vakfı’na sattığı Mahmiye-i Kostantıniyye mahallâtından Karabaş mahallesinde sâkin olan Yanaki v. Yorgi nâm zimmî âtiyyü’z-zikr menzilini merhûm Cafer Paşa vakfı’na mütevellî olan hâmil-i hâze’l-kitâb fahrü’l-akrân Ali Ağa b. Abdülmennân’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla zimmî-yi mezbûrun işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ bir tarafdan Abdurrahman Efendi b. ( ) mülkü, diğer tarafdan Todori v. ( ) mülkü, öbür tarafdan deniz ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt kırk bin akçe-i Osmânî semen-i mu‘ayyen-i makbûz ile iştirâ etti. Bâyi‘-i mezbûrun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr ayın gurresinden üç sene tamâmına on iki bin akçe ücret-i kirâ mukābilinde menzil-i merkūmu icâreye verdi. Mütevellî-i merkūm, vâki‘ ikrârı vicâhen ve şifâhen tasdîk etti. Sonra mukırr-ı mezbûrun oğulları Yorgi ve Pavlaki nâm zimmîler menzil-i mezbûrun derkine ve asl-ı meblağ-ı mezbûra ve ücret-i merkūmeye îcâb ve kabûlü hâvî kefâletle kefîl oldular. Cerâ zâlike ve hurrire hâzâ fi’t-târihi’l-mezbûr. Şuhûdü’l-hâl: es-Sâbıkūn