Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 362 Hüküm no: 459 Orijinal metin no: [80a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Haydar’ın Emânî Çelebi Vakfı’ndan ödünç aldığı Mahmiye-i Kostantıniyye mahallâtından Evliyâ mahallesinde sâkin olan İbrahim b. Haydar nâm kimesne, mütevellîsi hâmil-i hâze’l-kitâb Receb b. Ahmed mu‘âmelesi ile merhûm Emânî Çelebi vakfı’na üzerinde ve zimmetinde dört bin dört yüz akçe-i Osmânî borcu olduğunu meclis-i şer‘-i şerîfde ikrâr ve i‘tirâf etti. Bunun dört bin akçesi karz cihetinden, kalan dört yüz akçe ise beynlerinde rengi ma‘lûm müşterâ-yı makbûz çuka bahâsındandır. Karz dışındaki mikdâr, zeyilde mezkûr ayın gurresinden bir sene tamâmına müecceldir. Lâzımü’l-edâ ve vâcibü’l-kazâ deyndir. Mütevellî-i mezbûr vâki‘ ikrârı vicâhen ve şifâhen tasdîk etti. Sonra mukırr-ı mezbûrun oğlu Hüseyin, cemî‘-i meblağ-ı merkūma îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâdis min Şevvâli’l-mükerrem li târihi’l-mezbûr. Şuhûdü’l-hâl: Ramazan Halîfe b. Cafer, Seyyid Abdi b. Seyyid Mehmed Müezzin, Ömer b. Durmuş, İshak b. İbrahim Müezzin, Mehmed Halîfe b. Cafer imâm