Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 194 Hüküm no: 171 Orijinal metin no: [22b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan Çelebi b. Yusuf’un Manol v. Mihal’den alacağı olduğunun tespiti Mahmiye-i İstanbul’da Sofular mahallesinde sâkin Ramazan Çelebi b. Yusuf nâm kimesne meclis-i şer‘-i hatîr-i lâzımü’t-tevkīrde Manol v. Mihal nâm zimmî muvâcehesinde üzerine da‘vâ ve takrîr-i kelâm edip mezbûr Manol zimmetinde cihet-i deyn-i şer‘îden elli üç buçuk esedî guruş hakkım olup meblağ-ı mezbûru mezbûr Manol’den taleb ettiğimde vermede ta‘annüd eder suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûr Manol cevâbında fi’l-vâki‘ müdde‘î-i mezbûr Ramazan Çelebi’ye cihet-i deyn-i şer‘îden zimmetimde elli üç buçuk esedî guruş deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûr elli üç buçuk esedî guruşu müdde‘î-i mezbûr Ramazan Çelebi’ye edâ ve teslîme mezbûr Manol’e tenbîh birle mâ vaka‘a bi’t-taleb ketb olundu. Fi’l-yevmi’s-sâdis min Cemâziyelevvel li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, Abdi Çelebi b. Hüseyin, Resul b. Rıdvan, Mehmed b. Ramazan.