Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 407 Hüküm no: 535 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avyaro v. Andriye’nin evini Anastas v. Mihal’e satması Vilâyet-i Rumeli’nde İnebahtı sancağında Yenişehir kazâsı müzâfâtından Kûhistan nâhiyesine tâbi‘ Büyük Kerasova nâm karye sâkinlerinden Avyaro v. Andriye nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Anastas v. Mihal nâm zimmî mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūmede vâki‘ bir tarafdan Nikola v. Liyor mülküne ve iki tarafdan tarîk-i âma ve bir tarafdan Nikola v. Golar mülküne müntehî bir tahtânî beyti müştemil olan mülk menzilimi cümle-i tevâbi‘ ve levâhıkı ve kâffe-i menâfi‘ ve merâfıkı ile merkūm Anastas’a dokuz bin nakd-i fıddî-i Osmânî râyic fi’l-vakt akçeye bâtten bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân menzil-i mahdûd merkūm Anastas’ın mülk-i müşterâsıdır keyfe mâ yeşâ ve yahtâr mutasarrıf olsun dedikde gıbbe’t-taleb ketb olundu. Hurrire fi’l-yevmi’r-râbi‘ min Zilka‘deti’ş-şerîfe li târihi’l-mezbûr. Şuhûdü’l-hâl: Yorgi v. Dimitri, Dimitri v. Avramo, Dimitri v. Yorgi, Angilaki v. İstemad, Şilo v. Mihal, Mavroki v. Yorgi, Dimitri v. Milo, Angilaki v. Dimitri ve gayruhüm mine’l-hâzırîn.