Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 412 Hüküm no: 544 Orijinal metin no: [91a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Basiko v. Niko’nun çocukları Arago ve Balaso’ya nineleri Emkine bt. Yani’nin vasî tayin edilmesi [Kazâ-i Havâss-ı Aliyye müzâfâ]tından Litroz nâm karye sâkinlerinden olup mürd olan Basiko v. Niko nâm zimmînin evlâd-ı sıgārından Arago ve Balaso nâm sagīrlerin ahvâllerini zabt ve emvâllerini hıfz için bir vasî lâ-büd ve lâzım olmağın sagīrân-ı mezbûrânın ceddeleri Emkine bt. Yani nâm nasrâniye kıbel-i şer‘-i mutahhardan mezbûrâna vasî nasb ve ta‘yîn olunup ol dahi vesâyet-i mezbûreyi kabûl ve hizmet-i lâzımesini edâya müte‘ahhid olmağın hâzihi’l-hurûf ber sebîli’t-temessük ketb ve tahrîr olundu. Hurrire fi’l-yevmi’s-sâbi‘ min Zilka‘deti’ş-şerîfe li târihi’l-mezbûr. Şuhûdü’l-hâl: Ali b. Abdullah, Andriye v. Dimo, Ergiri v. Hristatli, Manol v. Kika, Mihal v. Kini, Dimitri v. İstemad.