Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 419 Hüküm no: 556 Orijinal metin no: [92b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Esmer Hâtun bt. Murad’ın vasî Mehmed Çelebi b. Mahmud’dan ödünç aldığı ve mukábilinde evini rehin verdiği Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Baba Haydar mahallesinde sâkine olan Esmer Hâtun bt. Murad nâm Hâtun, üzerinde ve zimmetinde, Mustafa ve Meryem ibney merhûm Ahmed nâm sagīreyne kıbel-i şer‘den mansûb vasî olan hâmil-i hâze’l-kitâb fahrü’l-eşbâh râcil Mehmed Çelebi b. Mahmud’a sagīreyn-i mezbûreyn malından râyicü’l-vakt iki bin üç yüz akçe-i Osmânî borcu olduğunu ikrâr ve i‘tirâf etti. Bunun iki bin akçesi karz cihetinden, kalan üç yüz akçesi ise beynlerinde ma‘lûm, müşterâ-yı makbûz çuka bahâsındandır. Karz dışındaki meblağ zeyilde mezkûr senenin gurre-i Şevvâl-i mükerreminden bir sene tamâmına müecceldir. Lâzımü’l-edâ ve vâcibü’l-kazâ deyndir medyûne-i merkūmeye ait, Havâss-ı Aliyye kazâsı tevâbi‘inden Kara Halil karyesinde vâki‘ bir tarafdan Yahya Efendi b. Abdullah mülkü, diğer iki tarafdan arâzi-i hâliye ve diğer tarafdan da tarîk-i âm ile mahdûd menzil, meblağ-ı mersûm mukābilinde dâin-i mezbûr yedinde rehn-i makbûzdur. Dâyin-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fî evâhiri Zilka‘de eş-şerîfe li târihi’l-mezbûr. Şuhûdü’l-hâl: Ahmed Çelebi b. Yusuf er-Râcil, Mustafa b. Mehmed, Perviz b. Abdullah, Yakub b. Kurd ve gayruhüm