Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 451 Hüküm no: 609 Orijinal metin no: [100a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Todori’nin evini Dimitri v. Nikola’ya satması Vilâyet-i Rumeli’nde İnebahtı sancağında Yenişehir kazâsı müzâfâtından Fener nâhiyesine tâbi‘ Lakşete nâm karye sâkinlerinden Nikola v. Todori meclis-i şer‘de işbu bâ‘isü’l-kitâb [Dimit]ri v. Nikola mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūmede vâki‘ bir tarafdan Dimitri v. Yorgi mülküne ve bir tarafdan Dimitri v. Todori mülküne ve bir tarafdan Rino v. Yorgi mülküne ve bir tarafdan Kamino v. Todori tarlasına müntehî ve mahdûd bir fevkānî ve bir [tah]tânî beyti ve havluyu müştemil mülk menzilimi cümle-i tevâbi‘ ve levâhıkı ile mezbûr Dimitri’ye üç bin üç yüz nakd-i râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen edip [meb]lağ-ı mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân menzil-i mezkûr merkūm Dimitri’nin mülk-i müşterâ-yı sarîhidir keyfe mâ yeşâ ve haysü mâ yürîd mutasarrıf olsun dedikde mukırr-ı mezbûrun ikrâr-ı meşrûhunu el-mukarru lehü’l-mezbûr Dimitri vicâhen tasdîk edicek kayd olundu. Hurrire fî 21 min Zilhicce li sene 1029. Şuhûdü’l-hâl: Piyo v. Todori, Angeli v. Lino, Yorgi v. Maskalya, Yorgi v. Kamino.