Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 202 Hüküm no: 183 Orijinal metin no: [24a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hasan Ağa’nın Afife ve Âişe adlı çocuklarına nafaka takdir edildiği
Hâkim, Afîfe ve Âişe ibnetey Hasan Ağa nâm sagīreteynin nafaka, kisve ve sâir havâic-i zarûriyyeleri için, medîne-i mahmiye-i Kostantıniyye mahallâtından Mi‘mâr Sinan mahallesinde sâkine olan Fâtıma bt. Abdi nâm anneleri ve hâdinelerinin talebiyle mezbûr babaları Hasan üzerine zeylde mezkûr târihden i‘tibâren her birine onar akçe olmak üzre yevmî râyicü’l-vakt yirmi akçe farz ve takdîr etti ve meblağ-ı mefrûz-i mezbûru, sagīreteyn-i merkūmeteynin havâicine sarf etmesine ve vakt-i hâcette istidâne edip vakt-i zaferde mezbûr Hasan Ağa’ya rücû‘ etmesine mezbûre Fâtıma’ya izin verdi.
Cerâ zâlike ve hurrire fi’l-yevmi’r-râbi‘ ve’l-ışrîn min Cemâziyelevvel sene seb‘a ve seb‘a ve elf.
Şuhûdü’l-hâl: Mehmed Çelebi b. Mustafa, Hasan Beşe b. Mustafa, Musa Çelebi b. Musli, İsmail Çelebi b. ( ), Hacı Mehmed mütevellî.
|