Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 461 Hüküm no: 625 Orijinal metin no: [102a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râziye bt. Davud’un evini oğulları Mustafa ve Memi’ye satması Havâss-ı Aliyye kazâsı müzâfâtından Çatalca nâhiyesine tâbi‘ Yenice nâm karyede sâkine Râziye bt. Davud meclis-i şer‘de hâmilânü’l-kitâb oğulları Mustafa ve Memi ibney Mehmed mahzarlarında bi’t-tav‘ ve’r-rızâ ikrâr ve takrîr-i kelâm edip karye-i merkūmede vâki‘ bir tarafdan Ali Çelebi b. Davud mülküne ve bir tarafdan Mehmed Çelebi b. ( ) mülküne ve bir tarafdan Ahmed Beşe b. Memi mülküne ve bir tarafdan tarîk-i âma müntehî iki tahtânî beyti ve havluyu müştemil mülk menzilimi cümle-i tevâbi‘ ve levâhıkı ile mezbûrân Mustafa ve Memi’ye dört bin nakd-i râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen ve teslîm-i mebî‘-i mahdûd eyledim ba‘de’l-yevm sâlifü’z-zikr menzil merkūm-ı mezbûrân Mustafa ve Memi’nin mülk-i müşterâ-yı sarîhidir keyfe mâ yeşâ ve haysü mâ yürîd mutasarrıf olsunlar dedikde mukırra-i mezbûrenin minvâl-i muharrer üzre cârî olan ikrâr ve takrîrin el-mukarru lehü’l-merkūmân bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Hurrire fî 8 min Muharremi’l-harâm li sene selâsîn ve elf. Şuhûdü’l-hâl: Haydar Bey b. Ferhad, Hasan b. Mustafa, el-Hâc Mustafa b. Şaban, Mehmed b. ( ), Memi b. Ahmed, Ali b. Davud, Yakub b. Kurd ve gayruhüm.