Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 461 Hüküm no: 624 Orijinal metin no: [102a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Keyvan’ın mirası malı için Mustafa Beşe b. Mehmed’e vekâlet vermesi Vilâyet-i Rumeli’nde Ohri sancağında İstarova kazâsına tâbi‘ Drecan nâm karyeden olup hâlâ Anadolu’da Aydıncık nâm kasabada sâkin olan Mustafa b. Keyvan nâm kimesne meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Mustafa Beşe b. Mehmed nâm râcil mahzarında takrîr-i kelâm edip karye-i merkūmede babam merhûm-ı mezbûr Keyvan’dan bi hasebi’l-irsi’ş-şer‘î bana intikāl eden emlâk ve erzâkı kabz ettiğinden sonra bey‘a ve kabz-ı semene ve bana îsâle ve sulh ve ibrâya ve lede’l-hükkâm mürâfa‘a ve muhâsamaya vekîl ve menâbıma nâib nasb ve ta‘yîn eyledim dedikde merkūm Ali [Mustafa] Beşe vekâlet-i mezbûreyi bi’l-muvâcehe kabûl ve hizmet-i lâzımesini edâya müte‘ahhid olmağın mâ hüve’l-vâki‘ bi’t-taleb ketb olundu. Hurrire li târihi’l-mezbûr fi’l-yevmi’l-mezbûr. Şuhûdü’l-hâl: Fahrü’l-akrân Mehmed Ağa b. Aydın, Hüseyin Bey b. Hasan el-Bevvâbü’s-sultânî, Mustafa Beşe b. Mehmed er-Râcil, Hüseyin b. Abdullah, Bayram b. Abdullah, Mustafa b. Abdullah.