Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 138 Hüküm no: 127 Orijinal metin no: [19a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Abdullah’ın evini istiğlâl yoluyla Cafer Paşa Vakfı’na sattığı Mahmiye-i Kostantıniyye mahallâtından Aydın Kethüdâsı mahallesinde sâkin olan Mehmed Beşe b. Abdullah nâm kimesne meclis-i şer‘de hâzır olup âtiyyü’z-zikr menzilini merhûm Cafer Paşa vakfı’na mütevellî olan hâmil-i hâze’l-kitâb Mehmed Beşe b. Hamza’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Mehmed Beşe’nin işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Emine Hâtun mülkü, diğer tarafdan mülk-i mevkūf, iki tarafdan da tarîk-i âm ile mahdûd cemî‘-i menzilini cümle tevâbi‘ ve levâhıkı ile râyicü’l-vakt yedi bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına üç bin akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra [nâm kimesne] menzil-i mezbûrun derkine ve ücret-i merkūmeye, îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sânî min Cumâdelâhire sene seb‘a ve erba‘în ve elf. Şuhûdü’l-hâl: (…) Çelebi b. Mehmed, Seyyid Mehmed b. Ahmed, Abdülkerim Çelebi Muslihiddin Efendi, İbrahim b. Halil, müezzin Abdullah b. Halil, İmâm Mustafa Efendi,