Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 137 Hüküm no: 126 Orijinal metin no: [19a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiro v. Yani’nin zeytin ağaçlarını Yani v. Kiro’ya sattığı Medîne-i Rumeli’nde Delvine kazâsına tâbi‘ Nice nâm karye sâkinlerinden Kiro v. Yani nâm zimmî mahfil-i kazâda işbu bâ‘isü’l-kitâb Yani v. Kiro nâm zimmî muvâcehesinde ikrâr edip karye-i mezbûre sınırında Kadfeni nâm mevzi‘de vâki‘ üç dip mülk zeytin ağaçlarımı mezbûr Yani’ye fıddî râyic fi’l-vakt bin akçeye bey‘ ve teslîm edip ol dahi vech-i muharrer üzre iştirâ ve temellük eyledikden sonra semen-i mezbûru yedinden ahz ve kabz edip meblağ-ı mezbûru mahallinde kabza mezkûr Yani’yi taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’l-hâdî ve’l-ışrîn min Cumâdelâhire [li sene seb‘a ve erba‘în ve elf]. Şuhûdü’l-hâl: Es-Sâbikūn.