Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 155 Hüküm no: 154 Orijinal metin no: [24a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ruhtâbi bt. Abdullah’ın muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Baba Haydar mahallesinde sâkine olan Ruhtâbi bt. Abdullah nâm hâtun hâmil-i hâze’l-kitâb Hasan b. Mehmed nâm zevci ile nikâhında ta‘ahhüd edilen râyicü’l-vakt bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’t-tâsi‘ ve’l-ışrîn min şehri Recebi’l-ferd sene seb‘a ve erba‘a ve elf. Şuhûdü’l-hâl: Ahmed Beşe b. Abdullah, Seyyid Hüseyin b. Seyyid Ahmed, Mahmud b. Ahmed, Mustafa b. Veli, Cafer b. Abdullah