Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 156 Hüküm no: 156 Orijinal metin no: [24a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Argiri v. Mihal’in alacak davasının reddi Havâss-ı Aliyye kazâsı müzâfâtından Burgaz nâm karye sâkinlerinden Argiri v. Mihal nâm zimmî meclis-i şer‘-i şerîfe gelip râfi‘ü’l-kitâb Yanaki v. Mihal nâm zimmîyi ihzâr ve mahzarında üzerine takrîr-i da‘vâ edip bundan akdem mezbûr Yanaki’ye bin yedi yüz akçeye bir re’s çil bârgir bey‘ etmiş idim bin yüz akçesin mezbûr Yanaki yedinden alıp zimmetinde yüz elli akçe hakkım bâkī kalmışdır suâl olunup alıverilmek matlûbumdur dedikde gıbbe’s-suâl mezbûr Yanaki cevâbında, fi’l-vâki‘ sâlifü’z-zikr olan bârgiri bin yedi yüz akçeye iştirâ eylemiş idim, lâkin bey‘-i mezbûru ikāle edip tekrâr akd-i cedîd ile bin beş yüz elli akçeye bana bey‘ etmişdir dedikde gıbbe’s-suâl mezbûr Argiri inkâr edip mezbûr Yanaki’nin beyyinesi olmamak ile mezbûr Argiri’yi istihlâf etmeğin mezbûr Argiri yemînden nükûl etmekle mu‘ârazadan men‘ birle mâ vaka‘a gıbbe’t-taleb ketb olundu. Tahrîren fî selhi Recebi’l-ferd li sene seb‘a ve erba‘în ve elf. Şuhûdü’l-hâl: Mahmud b. Ahmed, Mustafa b. Veli, Cafer b. Abdullah, Ali b. Mustafa, Mustafa b. Veli.