Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 179 Hüküm no: 188 Orijinal metin no: [29b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Mustafa’nın ev ve tarlasını Mehmed ve Ali’ye sattığı Vilâyet-i Rumeli’nde Avlonya sancağında İskarapar kazâsına tâbi‘ Dosor nâm karyeden Ahmed b. Mustafa mahfil-i kazâda işbu Mehmed ve Ali b. ( ) Cündî muvâcehesinde ikrâr edip karye-i mezbûrede vâki‘ bir tarafdan Hüseyin b. Ali mülkü ve bir tarafdan Sipah Mehmed Bey b. Hasan mülkü ve bir tarafdan Bayezid b. Hüseyin mülkü ve bir tarafdan tarîk-i âm ile mahdûd iki bâb tahtânî odaları ve sofayı ve muhavvatayı ve zât-ı eşcâr-ı müsmireyi müştemil olan mülk menzilini ve yine karye-i mezbûre hudûdunda vâki‘ bir tarafdan Bayram Bey bağı ve bir tarafdan habbeci Ali Beşe bağı ve bir tarafdan Yeniçeri Bekir Beşe bağı ve bir tarafdan tarîk-i âm ile mahdûd tahmînen iki dönüm bir kıt‘a bağımı mezbûrân Mehmed ve Ali’ye bin beş yüz akçeye bey‘ edip onlar dahi vech-i meşrûh üzre iştirâ eyledikden sonra yine karye-i mezbûre sınırında vâki‘ ma‘lûmü’l-hudûd altı kıt‘a tarlalarımın dahi hakk-ı tasarrufunu sâhib-i arz ma‘rifetiyle bin akçeye tefvîz eyledim dedikde cem‘an iki bin akçeyi yedinden tamâmen kabz eyledim dedikde gıbbe’t-tasdîki’ş-şer‘î mâ vaka‘a kayd şüd. Hurrire fi’t-târihi’l-mezbûr. Şuhûdü’l-hâl: Ali Beşe ed-Der‘î, Hızır b. Mustafa, Ferhad b. Hüseyin, Mehmed Bey b. Abdullah, Osman Beşe [b.] Bekir Bey ve g[ayruhüm].