Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 210 Hüküm no: 234 Orijinal metin no: [38b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Ahmed’in Hatice bt. Zeki’de olan alacağını tahsil ettiği Vilâyet-i Anadolu’da Soma kazâsı sükkânından Ali b. Ahmed nâm bî-zebân mahfil-i kazâda medîne-i Hazret-i Ebî Eyyûb el-Ensârî mahallâtından Baba Haydar mahallesinde sâkine Hatice bt. Zeki nâm hâtun muvâcehesinde ta‘bîr makāmına kāim olan işâret-i ma‘hûdesi ile bi tav‘ihî ikrâr edip mezbûre Hatice Hâtun zimmetinde karz-ı şer‘den dört bin akçe hakkım olup mukābelesinde bir tek mücevher altın bilezik ve bir gerdan ta‘bîr olunur kafes inci rehin vaz‘ eylemişidi bundan akdem zikr olunan bilezik ve inciyi benden alıp mârrü’z-zikr dört bin akçe zimmetinde kalmağın el-hâletü hâzihî sâlifü’z-zikr dört bin akçeyi mezbûre Hatice Hâtun yedinden bi tamâmihî alıp kabz eyledim ba‘de’l-yevm zimmetinde bir akçe ve bir habbe alacağım kalmadı dedikde gıbbe’t-tasdîki’ş-şer‘î mâ vaka‘a ketb olundu. Fi’l-yevmi’l-âşir min Recebi’l-ferd li sene seb‘a ve erba‘în ve elf. Şuhûdü’l-hâl: Eş-Şeyh Abdullah Efendi b. İsa, es-Seyyid Mustafa Çelebi b. Osman, Şaban Halîfe b. Kenan, Abdülkādir Çelebi b. Mehmed, Mustafa Efendi b. Siyâmi el-Müderris ve gayruhüm.