Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 219 Hüküm no: 247 Orijinal metin no: [41a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tanaşi v. Niko’nun, Yorgo ve Aleksandri kardeşlerin Rizo’da olan alacağına kefil olması Çoban tâifesinden Tanaşi v. Niko nâm zimmî meclis-i şer‘-i hatîr-i lâzımü’t-tevkīrde râfi‘ânü’l-kitâb Yorgo ve Aleksandri veledey Apostol nâm karındaş zimmîler muvâcehelerinde bi’t-tav‘ ikrâr ve takrîr-i kelâm edip mezbûrân Yorgo ve Aleksandri’nin gāib ani’l-meclis Rizo zimmî zimmetinde kırk dört aded koyun bahâsından târih-i [kitâbdan] yüz yirmi gün tamâmına değin te’cîl eyledikleri beş bin yüz dört akçelerine emr ve kabûlü hâviye kefâlet ile kefîl bi’l-mâl oldum dediklerinde gıbbe’t-tasdîki’ş-şer‘î mâ vaka‘a bi’t-taleb ketb olundu. Târihi’l-mezbûr. Şuhûdü’l-hâl: Es-Sâbikūn.