Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 222 Hüküm no: 215 Orijinal metin no: [28a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Ali’nin Ahmed b. Mustafa’dan muhâlaa yoluyla boşandığı Mahmiye-i İstanbul’da Altıpoğaça mahallesinde sâkine Fâtıma bt. Ali nâm hâtun meclis-i şer‘-i şerîf-i lâzımü’t-teşrîfde zevci işbu bâ‘isü’l-kitâb Ahmed b. Mustafa nâm kimesne mahzarında ikrâr ve takrîr-i kelâm edip mezbûr Ahmed zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Ahmed ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl eyledikden sonra zevciyyete müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Cumâdelâhire li sene seb‘a ve seb‘în ve elf. Şuhûdü’l-hâl: Yahya Efendi b. ( ) el-İmâm, Receb Çelebi b. Hasan el-Müezzin, el-Hâc Mustafa b. Ali, Sinan el-Müezzin.