Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 346 Hüküm no: 436 Orijinal metin no: [71b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Durmuş Bey b. Sâlih’in evini istiğlâl yoluyla Turşucu Hüseyin Ali Vakfı’na sattığı Havâss-ı Refî‘a müzâfâtından Hasköy mahallâtından Turşucu mahallesinde sâkin olan Durmuş Bey b. Sâlih nâm kimesne meclis-i şer‘-i şerîfde hâzır olup âtiyyü’z-zikr menzilini merhûm Turşucu Hüseyin Ali vakfı’na mütevellî olan hâmil-i hâze’l-kitâb Abdurrahman Çelebi b. Habib’e bey‘ ettiğini ikrâr ve i‘tirâf etti. Mütevellî-i mezbûr da vakf-ı merkūm malıyla ve istiğlâl maksadıyla, bâyi‘-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘ olan, bir tarafdan Hüseyin mülkü, diğer tarafdan Hüseyin Beşe mülkü ve iki tarafdan da tarîk-i âm ile mahdûd bulunan cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt üç bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına dokuz yüz akçe ücret ile menzili kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra zevcesi Kerime bt. Mehmed kıbelinden âtiyyü’l-beyânı ikrâra vekâleti İmâm İbrahim b. Hüsrev ve Müezzin Mehmed b. Haydar’ın şehâdetleri ile sâbit olan mezbûr Durmuş Bey, müvekkilesi ve zevcesi mezbûre Kerime hâtunun menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl olduğunu bi’l-vekâle ikrâr etti. Cerâ zâlike ve hurrire fî gurreti şehri Ramazâni’l-mübârek sene seb‘a ve erba‘în ve elf. Şuhûdü’l-hâl: Ali b. Mustafa, Mehmed b. Keyvan, Ali b. Abdullah, Musa Bey b. ( ), Yakub b. Kurd, Mustafa b. Ahmed, Mustafa b. Veli,