Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 347 Hüküm no: 438 Orijinal metin no: [71b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmi bt. Hüseyin’in muhâlaa yoluyla boşandığı Ümmi bt. Hüseyin nâm hâtun kıbelinden hul‘ ve ibrâ ikrârına vekâleti, kendisini ma‘rifet-i şer‘iyye ile tanıyan Mehmed b. Murad ve Ahmed b. Ali nâm şâhideynin şehâdetleri ile sâbit olan Kostantıniyye mahallâtından Avcıbey mahallesinde sâkin olan Mehmed Hâce b. Rüşdi nâm kimesne meclis-i şer‘-i şerîfde hâzır olup müvekkile-i mezbûresinin hâzır bi’l-meclis hâmil-i hâze’l-kitâb Mahmud b. Abdullah nâm zevci ile nikâhı esnâsında ta‘ahhüd edilen râyicü’l-vakt dört bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdığını bi’l-vekâle ikrâr ve i‘tirâf etti. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sânî min şehri Zilka‘de eş-şerîfe sene seb‘a ve erba‘în ve elf. Şuhûdü’l-hâl: Mustafa Çavuş b. Halil, Receb Efendi b. Abdi, Abdülkerim Efendi b. Kurd, Mustafa b. Veli, Ali b. Abdullah