Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 379 Hüküm no: 488 Orijinal metin no: [79a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Arzu bt. Mehmed’in muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Servili mahallesinde sâkine olan Arzu bt. Mehmed nâm hâtun meclis-i şer‘-i şer‘-i şerîfde hâzıre olup hâmil-i hâze’l-kitâb Mehmed b. Yusuf ile nikâhında ta‘ahhüd edilen râyicü’l-vakt altı yüz akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’t-tâsi‘ aşere min Zilka‘de eş-şerîfe sene seb‘a ve erba‘în ve elf. Şuhûdü’l-hâl: Mehmed b. Ahmed, Mustafa b. Ali, İbrahim Çavuş b. Kurd, Mustafa b. Veli, Mustafa b. Ahmed, Mustafa Beşe b. Mahmud