Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 411 Hüküm no: 537 Orijinal metin no: [85b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Abdullah’ın evini istiğlâl yoluyla Cafer Paşa Vakfı’na sattığı Medîne-i mahmiye-i Kostantıniyye mahallâtından Karabaş mahallesinde sâkine olan Âişe bt. Abdullah nâm hâtun âtiyyü’z-zikr menzilini, merhûm Cafer Paşa vakfı’na mütevellî olan hâmil-i hâze’l-kitâb Mehmed Bey b. Hamza’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı merkūm malıyla ve istiğlâl maksadıyla, bâyi‘a-i mezbûrenin işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede kâin olan, bir tarafdan Fâtıma Hâtun mülkü, diğer tarafdan Ahmed Bey b. Abdullah mülkü, öteki tarafdan Yusuf b. el-Hâc Hasan mülkü, diğer tarafdan da tarîk-i âm ile mahdûd olan cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt altı bin akçe semen-i mu‘ayyen-i makbûzla iştirâ etti. Mütevellî-i mezbûr, vâki‘ ikrârı vicâhen ve şifâhen tasdîk etti. Bâyi‘a-i mezbûrenin menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz 1048 senesi Muharrem ayının gurresinden üç sene tamâmına iki bin yedi yüz akçe ücret ile menzili kirâya verdi. Sonra Ali b. Ali nâm zevci ve Canfedâ bt. Abdullah nâm hâtun ve onun zevci Hüseyin b. Abdullah, menzil-i mezbûrun derkine, ücret-i merkūmeye ve asl-ı meblağ-ı merkūma îcâb ve kabûlü hâvî kefâletle kefîl oldu. Cerâ zâlike ve hurrire fî gurreti Zilhicce eş-şerîfe sene seb‘a ve erba‘în ve elf. Şuhûdü’l-hâl: İmâm İlyas b. Bahşî, müezzin Mehmed b. Behram, Sefer Halîfe b. Veli, Ömer b. Mehmed, Mustafa b. Süheyl, Mustafa b. Veli, Mustafa b. Mehmed, Abdullah b. Hacı, Kadir b. el-Eyyûbî