Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 421 Hüküm no: 553 Orijinal metin no: [88a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aliye bt. Ali’nin çiftliğini istiğlâl yoluyla Âişe bt. Mustafa’ya sattığı Medîne-i Kostantıniyye mahallâtından Gavrak Mahmud mahallesinde sâkine olan Aliye bt. Ali nâm hâtun meclis-i şer‘-i şerîfde hâzıre olup âtiyyü’z-zikr menzilini hâmile-i hâze’l-kitâb Âişe bt. Mustafa’ya bey‘ ettiğini ikrâr ve i‘tirâf etti. Müşteriyye-i mezbûre de kendi malıyla ve istiğlâl maksadıyla, merkūme Aliye hâtunun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu kazâ-i Havâss-ı Aliyye müzâfâtından Terkos nâhiyesi tevâbi‘inden Çilingir karyesinde kâin bulunan bir tarafdan Mehmed Efendi mülkü etrâf-ı selâseden tarîk-i âm ile mahdûd olan çiftlik ta‘bîr edilen cemî‘-i menzili râyicü’l-vakt on yedi bin akçe semen-i mu‘ayyen-i makbûz ile iştirâ etti. Bâyi‘a-i mezbûrenin menzili kirâlamak istemesi üzerine müşteriyye-i merkūme, ba‘de’t-tahliyye ve’t-tekābuz zeylde mezkûr târihden i‘tibâren bir sene tamâmına bin yedi yüz akçe ücret ile menzili kirâya verdi. Müşteriyye-i merkūme, vâki‘ ikrârı vicâhen ve şifâhen tasdîk etti. Cerâ zâlike ve hurrire fî gurreti Zilhicceti’ş-şerife sene seb‘a ve erba‘în ve elf. Şuhûdü’l-hâl: Seyyid Mehmed Çelebi b. Ebûbekir, kâtib Hüseyin b. Hasan, Mehmed Çavuş b. Abdi, attâr Ali Çelebi, attâr Ahmed Çelebi