Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 428 Hüküm no: 564 Orijinal metin no: [89b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstemad v. Nikola’nın Fütûha Hatun Vakfı’na olan borcuna Davud Halîfe b. Mehmed’in kefil olduğu Medîne-i Ebî Eyyûb el-Ensârî mahallâtından Otakçıbaşı mahallesinde Acı Çeşme kurbunda sâkin İstemad v. Nikola nâm zimmî mahfil-i kazâda merhûme Fütûha Hâtun vakfı’na bi’l-fi‘l mütevellî olan işbu hâmilü’l-kitâb Halil Çelebi b. Hüdâverdi mahzarında bi’t-tav‘i’s-sâf ikrâr ve i‘tirâf edip mezbûr Halil Çelebi’ye vakf-ı mezbûr malından zimmetimde on bin akçe lâzımü’l-edâ deynim vardır dedikde gıbbe’t-tasdîki’ş-şer‘î meblağ-ı mezbûr üç bin akçeye Davud Halîfe b. Mehmed el-Müezzin emr ve kabûlü hâvî kefâletle kefîl bi’l-mâl olmağın mâ vaka‘a bi’t-taleb ketb olundu. Fi’l-yevmi’s-sâmin [min] Zilhicceti’l-harâm li sene seb‘a ve erba‘în ve elf. Şuhûdü’l-hâl: Abdullah b. Bekir, Mustafa el-Müezzin, Mahmud b. Ali, Ali Çelebi b. Mustafa el-Kâtib, Mustafa b. Veli, Receb Efendi b. Abdi ve gayruhüm.