Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 427 Hüküm no: 563 Orijinal metin no: [89b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Nikola’nın Ahmed Beşe b. Yusuf’a borcu olduğunu kabul ettiği Medîne-i hazret-i Ebî Eyyûb el-Ensârî mahallâtından Takyecibaşı mahallesi sâkinlerinden Ahmed Beş b. Yusuf nâm kimesne meclis-i şer‘a Yani v. Nikola nâm zimmîyi ihzâr ve muvâcehesinde üzerine da‘vâ edip mezbûr Yani’ye târih-i kitâbdan bir sene mukaddem Çömlekçiler sûkunda vâki‘ mülk bakkal dükkânımı bir sene tamâmına sekiz bin akçeye îcâr ve teslîm edip ve yirmi bin akçe dahi ikrâz ve teslîm edip ol dahi dükkân-ı merkūmu vech-i muharrer üzre istîcâr ve meblağ-ı merkūmu istikrâz ve ve kabz ve tesellüm etmişidi hâlâ on bin akçe karzdan ve üç bin yedi yüz akçe icâreden alıp kabz edip zimmetinde on bin akçe karzdan ve dört bin üç yüz akçe icâreden cem‘an on dört bin üç yüz akçe hakkım bâkīdir suâl olunup edâsına tenbîh olunması matlûbumdur dedikde gıbbe’s-suâl mezbûr Yani cevâbında, fi’l-vâki‘ cihet-i merkūmeden mezbûr Ahmed Beşe zimmetinde lâzımü’l-edâ ve vâcibü’l-kazâ on dört bin üç yüz akçe deynim vardır deyû ikrâr ile cevâb vermeğin mûcebince edâsına tenbîh olunup mâ vaka‘a bi’t-taleb ketb olundu. Tahrîren fi’l-yevmi’s-sâlis aşer min Zilhicceti’l-harâm li sene seb‘a ve erba‘în ve elf. Şuhûdü’l-hâl: Abdurrahman Çelebi b. Habib, Osman b. Abdullah, Bâli Beşe b. Abdullah, Mustafa b. Abdullah, Mustafa b. Mehmed, Mustafa b. Kurd.