Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 431 Hüküm no: 570 Orijinal metin no: [89(2)b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitraki v. Paskal’ın evini istiğlâl yoluyla Cafer Paşa Vakfı’na sattığı Dimitraki v. Paskal nâm zimmî meclis-i şer‘-i şerîf ve mahfil-i dîn-i münîfde hâzır olup âtiyyü’z-zikr menzilini merhûm Cafer Paşa vakfı’na mütevellî olan râfi‘-i hâze’l-kitâb Mehmed Beşe b. Hamza’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı merkūm malıyla ve istiğlâl maksadıyla, zimmî-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu ebvâb-ı sûr-ı Kostantıniyye’den bâb-ı Balat hâricinde vâki‘ Karabaş mahallesinde kâin olan, bir tarafdan Yakob v. ( ) mülkü, diğer tarafdan Palifo mülkü, öteki tarafdan sâhil-i bahr diğer tarafdan da tarîk-i âm ile mahdûd olan cemî‘-i menzilini cümle tevâbi‘ ve levâhıkı ile râyicü’l-vakt yirmi bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr Şaban-ı mu‘azzam ayının gurresinden bir sene tamâmına üç bin akçe ücret ile menzili kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra Receb Efendi b. Abdi, hîn-i mütâlebede mukırr-ı mezbûr Dimitraki’yi ihzâr etmeye kefîl oldu. Cerâ zâlike ve hurrire fi’l-yevmi’r-râbî‘ aşer min şehri Zilhicce eş-şerîfe sene seb‘a ve erba‘în ve elf. Şuhûdü’l-hâl: İsmail Çelebi b. ( ), Abdullah Çelebi b. el-Câbî, İmâm Mustafa Efendi b. Abdi, müezzin Ömer Çelebi b. Şaban, Abdurrahman b. Mustafa, Abdurrahman Efendi b. kâtib Cafer, el-Hâc Mustafa b. Veli, Ali Çelebi b. İskender, Yakub b. Kurd ve gayruhüm