Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 449 Hüküm no: 596 Orijinal metin no: [94b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Padişahın doğu seferi için gerekli olan lağımcıların tedariki için para toplanması Akzâ kuzâti’l-müslimîn, evlâ vülâti’l-muvahhidîn mevlânâ Havâss-ı Aliyye kadısı -zîdet fezâ’iluhu- tezkire varıcak ma‘lûm ola ki hâlâ sa‘âdetlü ve şevketlü pâdişâh-ı İslâm -hullidet hilâfetuhû- hazretlerinin şark cânibine teveccüh ve azîmet-i hümâyûnları olmağla küllî lağımcı tedârükü lâzım ve mühim olmağın bin kırk yedi ve bin kırk sekiz senelerine mahsûb olmak üzre lağımcı bedelleri cem‘ olunmak fermân olunduğu ecilden taht-ı kazânızda vech-i meşrûh üzre iki sene için yirmi bin akçe cem‘ ve tahsîl ve meblağ-ı merkūm mu‘accelen teslîm olunmak emr olunmuşdur imdi zikr olunan akçeyi çömlekçi ve kiremitçilerden mâ‘adâ sâir hırfetlerden serî‘an ve âcilen cem‘ ve tahsîl ve mübâşirine teslîm eylemeğe ikdâm ve ihtimâm eyleyesiz husûs mezbûr umûr-ı mühimmedendir avk ve te’hîr ve ihmâl ve müsâheleden hazer olunup mûceb-i tezkire ile âmil olasız. Tahrîren fi’l-yevmi’s-sâdis aşer min Zilka‘deti’ş-şerîfe (…) [li sene 1047]. El-fakīr Hasan ed-Defterî.