Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 456 Hüküm no: 604 Orijinal metin no: [96b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Âişe Hatun bt. Mehmed’e nafaka takdir ettiği Medîne-i mahmiye-i Galata müzâfâtından ka[saba-i Beşiktaş] mahallâtından Ahmed et-Turanî mahallesinde sâkine olan bâ‘ise-i hâze’l-kitâb Âişe Hâtun bt. Mehmed nâm hâtunun, gāib Yusuf b. Osman nâm kimesnenin zevcesi ve menkûhası olduğu zâhir olup zevce-i mezbûreye zevc-i merkūmunun me’ûnet-i süknâsı, nafakası ve kisvesi için nafaka ve kisve veya bunların cinsinden bir şey bırakmadığına dâir yemîn verildiğinde hâkim, mezbûrenin nafakası, kisvesi, me’ûnet-i süknâsı ve sâir havâic-i lâzimesi için zeylde mezkûr târihden i‘tibâren zevc-i gāibi üzerine olmak üzre râyicü’l-vakt yevmî altı akçe farz ve takdîr etti. Hâkim buna ilâveten mezbûrenin vakt-i hâcetde istidâne edip lede’z-zafer zevc-i merkūmuna rücû‘ etmesine izin verdi. Cerâ zâlike ve hurrire fi’l-yevmi’r-rabi‘ aşere min Zilhicceti’l-harâm sene seb‘a ve erba‘în ve elf. Şuhûdü’l-hâl: Receb Efendi b. Abdi, Mustafa b. Mehmed, Ahmed b. Bayram, Yakub b. Kurd, Çuk[adâr] Mustafa, Rıdvan b. İsa, Mehmed b. Ahmed, Resûl Beşe b. Rıdvan.