Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 241 Hüküm no: 247 Orijinal metin no: [31b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zamâne bt. Abdullah’ın eşyalarını Payidar bt. Abdullah’a hibe ettiği Mahmiye-i İstanbul’da Küçükpazar kurbunda Hâcce Hâtun mahallesinde sâkine Zamâne bt. Abdullah nâm hâtun meclis-i şer‘-i hatîr-i lâzımü’t-tevkīrde mu‘takası işbu bâ‘isetü’l-kitâb Payidar bt. Abdullah nâm hâtun mahzarında tâyi‘aten ikrâr ve takrîr-i kelâm edip silk-i mülkümde münselike eşyâmdan bir orta keçesi ve bir yan keçesi ve üç minder ve üç beledî yastık ve üç yemeni yorgan ve bir beledî döşek ve iki tencere ve iki sahan ve bir güğüm ve bir sini ve bir mâî atlas kaftan ve on yedi bafte sîm kuşak ve bir tek altın bilezik ve bir mâî kebe ve bir el tavamı merkūme Payidar’a hibe-i sahîha-i şer‘iyye ile hibe ve teslîm edip ol dahi meclis-i hibede ittihâb ve tesellüm ve kabûl ve kabz eyledi ba‘de’l-yevm eşyâ-i mezkûre merkūme Payidar’ın mülk-i mevhûbesidir keyfe mâ teşâ’ ve yahtâr mutasarrıfe olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin Cumâdelâhire li sene seb‘a ve seb‘în ve elf. Şuhûdü’l-hâl: Es-Sâbikūn.