Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 68 Hüküm no: 31 Orijinal metin no: [7b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Angeli’nin evini Petko v. Panayot v. Yani’ye sattığı Havâss-ı Aliyye kazâsı tevâbi‘inden Makrihor karyesinde sâkin Yani v. Angeli nâm zimmî meclis-i şer‘-i şerîfde -Allahü te‘âlâ tağyîr ve tahrîfden korusun- ikrâr ve i‘tirâf edip bu akdin sudûruna değin kendisine âid mülkü olup yedinde ve taht-ı tasarrufunda olan karye-i mezbûrede vâki‘ bir tarafdan Petko v. Boracı mülkü ve bir tarafdan Beşpene bt. Angeli mülkü ve bir tarafdan bâyi‘-i mezbûr mülkü ve bir tarafdan da tarîk-i âm ile mahdûd olup beyt-i ulvîyi ve zulleyi ve ahırı ve kenîfi ve muhavvatayı muhtevî cemî‘ menzilini bi-cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık kadri ve nisâbı dokuz bin altı yüz fıddî cedîd ceyyid râyic fi’l-vakt akçe semen-i makbûza hâmil-i hâze’l-kitâb Panayot v. Yani’ye tarafeynden îcâb ve kabûlü ve cânibeynden bedeleynin teslîm ve tesellümünü [muhtevî] bey‘ ve iştirâ-i sahîhayn-i şer‘iyyeyn-i müştemileyn ile bâtten bey‘ edip ol dahi kendi malı ile ve nefsi için iştirâ ettikde ikrâr-ı sarîh-i şer‘î ve i‘tirâf-ı sarîh-i mer‘î etmeğin müşterî-i mezbûr kıbelinden dahi vicâhen tasdîk olundukda [kayd olundu]. Cerâ zâlike ve hurrire fi’l-yevmi’l-hâmis ve’l-ışrîn min şehri Rebî‘ilevvel li sene erba‘a ve hamsîn ve elf. Şuhûdü’l-hâl: Ahmed Çelebi b. Davud er-Râcil, Mustafa Beşe b. Hasan er-Râcil, Mustafa Çelebi b. Mehmed Çavuşzâde, Mehmed Beşe b. Abdullah er-Râcil, Mustafa Beşe el-Muhtesib