Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 69 Hüküm no: 32 Orijinal metin no: [7b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panayot v. Yani’nin evini merhûm Yakub Usta Vakfı’na sattığı bey‘ bi’l-istiğlâl yoluyla sattığı Havâss-ı sultâniyye kazâsı tevâbi‘inden Makrihor karyesinde sâkin Panayot v. Yani nâm zimmî meclisü’ş-şer‘i’ş-şerîfeti’l-garrâ ve mahfilü’t-tarîkati’r-refî‘ati’z-zehrâda ikrâr ve i‘tirâf edip bu akdin sudûruna değin kendisine âid mülkü olup taht-ı tasarrufunda bulunan karye-i mezbûrede vâki‘ bir tarafdan Petko v. Boracı mülkü ve bir tarafdan Beşpene bt. Angoli mülkü ve bir tarafdan Yani v. Angeli mülkü ve bir tarafdan tarîk-i âm ile mahdûd olan cemî‘ menzilini bi-cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık kadri ve nisâbı dört bin dirhem fıddî râyic fi’l-vakt semen-i mu‘ayyen-i makbûza hâmil-i hâze’l-kitâb karye-i mezbûrede vâki‘ merhûm Yakub Usta vakfı’na mütevellî olan Ebûbekir Usta b. Abdullah’a bey‘ etmeğin ol dahi vakf-ı mezbûr malı ile ondan bey‘ ve ibtiyâ‘-ı sahîhayn-i şer‘iyyeyn ile istiğlâlen iştirâ ettikden sonra menzil-i mezbûru ba‘de’t-tahliyye ve’t-tekābuz işbu kitâbın târihinden sene-i kâmile tamâmına değin bu müddet için mikdârı yüz dirhem mezbûrü’n-na‘t ücret-i mu‘ayyeneye istîcâr etmeğin mütevelli’l-mezbûr dahi ona îcâr ettikde îcâr ve istîcâr-ı sarîhayn-i mer‘iyyeyn ile ikrâr-ı sahîh-i şer‘î ve i‘tirâf-ı sarîh-i mer‘î mütevelli’l-mezbûr kıbelinden dahi vicâhen ve şifâhen tasdîk olunup [kayd olundu]. Cerâ zâlike ve hurrire fi’l-yevmi’s-sâdis ve’l-ışrîn min şehri Rebî‘ilevvel li sene erba‘a ve hamsîn ve elf min hicreti men temme lehü’l-izzü ve’ş-şeref. Şuhûdü’l-hâl: Fahrü’l-eşbâh Ahmed Çelebi b. Davud er-Râcil, Mustafa Beşe b. Hasan er-Râcil, Mustafa Çelebi b. Mehmed Çavuşzâde, Mehmed Beşe b. Abdullah er-Râcil, Mustafa b. Mehmed, Ali b. Mustafa, Süleyman b. Durmuş, Baba Yani v. Aleksi, Kiryani v. Pernori, Kosta v. Ostorinoz ve gayruhüm mine’l-huzzâr