Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 71 Hüküm no: 35 Orijinal metin no: [8a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi b. Haydar’ın Rus asıllı câriyesi Gülistan b. Abdülmennân’ı azat ettiği Havâss-ı Aliyye kazâsı nevâhîsinden nefs-i kasaba-i Hasköy’de merhûm Turşucuzâde Hüseyin Çelebi mahallesinde mutavattın Mehmed Efendi b. Haydar el-Kâtib meclis-i şerî‘at-ı şerîfe-i Ahmediyye ve mahkeme-i muhkemetü’l-bünyân-ı Muhammediyye el-vesî‘u finâühâ el-mümteni‘u fenâühâ el-metînü binâühâ sallallâhu te‘âlâ alâ şâri‘ihâda takrîr-i kelâm edip işbu uzun boylu açık kaşlı gök elâ gözlü Rûsiyyetü’l-asl müslimetü’l-mille mukırr-ı mezkûr için rıkkına mu‘terife râfi‘ü hâze’l-vesîka Gülistan bt. Abdülmennân nâm câriye-i memlûkemi târih-i kitâbdan üç sene mukaddem hasbeten lillâhi’l-aliyyi’l-azîm ve taleben li merzâti’r-Rabbi’r-rahîm ve hereben mine’l-azâbi’l-elîm ve amelen bimâ kāle’n-nebiyyü’l-muhtâr -aleyhi salavâtullâhi’l-meliki’l-gaffâr- "Men a‘taka rakabeten mü’mineten a‘takallâhu bi-külli uzvin minhâ mine’n-nâr / Kim bir mü’min köleyi âzâd ederse Allah da onun bütün uzuvlarını cehennemden âzâd eder" i‘tâk ve tahrîr eylemişidim ba‘de’l-yevm mezkûre Gülistan sâir harâire-i asliyyât gibi hürre olsun [üzerinde] sâire-i mevâlînin utekā üzerinde sâbite olan velâdan gayrı hakkım kalmadı dedikde mukırr-ı mezkûrun vech-i mübeyyen üzre olan ikrâr-ı meşrûhu el-mukarru lehü’l-mezkûre Gülistan talebi ile ketb ü tahrîr olunup yedine li ecli’l-vesîka vaz‘ olundu. Fi’l-yevmi’l-mübârek es-sânî min Saferi’l-hayr li sene erba‘a ve hamsîn ve elf. Şuhûdü’l-hâl: Es-Sâbıkūn