Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 102 Hüküm no: 83 Orijinal metin no: [15b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mumcu Harito v. Rizo’nun İsterpo’nun yetim kızları Agoro ve Haydo’ya vasî tayin edildiği Hâkimü’l-hâsimü’l-muvakki‘u a‘lâhu el-mütevakki‘u rızâe Mevlâhü -dâme mecduhû ve muhallâhu?- Havâss-ı Aliyye kazâsı müzâfâtından kasaba-i Hasköy’de sâkin olan râfi‘ü’l-vesîka mumcu Harito v. Rizo’yu bundan akdem babaları medîne-i Ebâ Eyyûb el-Ensârî sevâhilinden Balçık İskelesi demekle ma‘rûf sâhil-i bahrde vâki‘ mumhânede hâlik olan Agoro ve Haydo bintey İsterpo nâm sagīreteyn üzerine ahvâllerini hıfz etmek ve irs-i şer‘î ile hâlik-i mezbûr babalarından kendilerine intikāl eden emvâllerini zabt etmek üzre hîn-i bülûğlarına ve evân-ı rüşdlerine değin vasî nasb eyledikde ol dahi vesâyet-i mezbûreyi kabûl ve umûrunu ikāme etmeyi iltizâm ettikde nasb ve kabûl-i sahîhayn-i şer‘iyyeyn [kayd olundu]. Cerâ zâlike ve hurrire fi’l-yevmi’l-âşir min şehri Rebî‘ilevvel li sene erba‘a ve hamsîn ve elf. Şuhûdü’l-hâl: Receb Efendi b. Abdullah, İbrahim Beşe b. Abdullah Çukadâr, Yusuf Beşe b. Abdullah, İbrahim b. Mustafa, Musa b. Mehmed, Bayram b. Mehmed ve gayruhüm [mine’l-huzzâr]