Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 245 Hüküm no: 253 Orijinal metin no: [32b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dragos’un çocuklarının vasîsinin Martan v. Altun’daki alacağı tahsil ettiği Mahmiye-i İstanbul’da Sulu Manastır mahallesinde sâkin iken bundan akdem vilâyet-i Rumeli’nde İstefe nâm kasabada müsâfiren sâkin iken hâlik olan Dragos nâm Ermeni’nin sulbî oğulları ve hasren vârisleri Kelaser ve Toma ve Avraham ve Haçadir nâm sagīrlerin tesviye-i umûrlarına kıbel-i şer‘-i şerîfden mansûb vasîleri olan Mardiros v. Kaser nâm Ermeni meclis-i şer‘-i şerîf-i lâzımü’t-teşrîfde işbu bâ‘isü’s-sifr Martan v. Altun nâm Ermeni muvâcehesinde bi’l-vesâye ikrâr ve takrîr-i kelâm edip hâlik-i mezbûr Dragos’un cihet-i deyn-i şer‘îden merkūm Martan zimmetinde hakkı olan yüz on esedî guruşu vesâyet-i mahkiyem hasebiyle merkūm Martan yedinden tamâmen ahz u kabz eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Cumâdelâhire li sene seb‘a ve seb‘în ve elf. Şuhûdü’l-hâl: Es-Seyyid Mehmed Çelebi b. Cafer Bey, Mehmed Çelebi b. ( ), Şükrullah Bey b. Mustafa, Yakob v. Tola.