Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 246 Hüküm no: 256 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Maksud b. Said’in Yusuf b. Abdullah’tan olan alacağını Hacı Memi’ye olan borcuna havale ettiği Mahmiye-i İstanbul’da tüccâr tâifesinden el-Hâc Yusuf b. Abdullah nâm kimesne meclis-i şer‘de el-Hâc Maksud b. Said nâm kimesne mahzarında üzerine da‘vâ ve takrîr-i kelâm edip mezbûr el-Hâc Maksud cihet-i deyn-i şer‘îden zimmetimde olan on bin akçe hakkını gāib ani’l-meclis el-Hâc Memi nâm kimesneye olan on bin [akçe] deyni için târih-i kitâbdan bir buçuk sene mukaddem üçümüz bir meclisde iken meblağ-ı mezbûru îcâb-ı muhayyel ve rızâ-yı muhtâl ve kabûlü muhtâlün-aleyhi hâviye havâle-i sahîha-i şer‘iyye ile havâle ben dahi havâle-i mezbûreyi kabûl edip bir vechile havâle-i mezbûreyi fesh îcâb eder hâl yoğiken meblağ-ı mezbûrun beş bin akçesini benden taleb edip mu‘ârazadan hâlî değildir suâl olunup [33a] men‘ olunmak matlûbumdur dedikde gıbbe’s-suâl mezbûr el-Hâc Maksud cevâbında fi’l-vâki‘ kaziyye minvâl-i muharrer üzre olup müdde‘î-i mezbûr el-Hâc Yusuf’un zimmetinde olan on bin akçe hakkını mezbûr el-Hâc Yahya’ya olan meblağ-ı mezbûr on bin akçe deyn için havâle-i sahîha-i şer‘iyye ile havâle ettiğini ikrâr ve i‘tirâf etmeğin mezbûr el-Hâc Maksud bî-vech mu‘ârazadan men‘ birle mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Cumâdelâhire li sene seb‘a ve seb‘în ve elf. Şuhûdü’l-hâl: Süleyman Beşe b. ( ), el-Hâc Mehmed b. ( ), el-Hâc Mehmed b. ( ), Tercümân Şaban b. el-Hâc ( ).