Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 129 Hüküm no: 121 Orijinal metin no: [23a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kavlak Dilsiz Hâtun’un vakf ettiği evin süknâsının Şaban b. Mustafa’ya tevcîh olunduğu Medîne-i Ebâ Eyyûb-i Ensârî -radiye anhu Rabbühü’l-Bârî- mahallâtından Baba Hayda[r] mahallesinde vâki‘ harsâ zümresinden merhûme Kavlak Dilsiz demekle meşhûre olan hâtunun vakf ve tesbîl edip süknâsını ulemâdan bir kimesneye beher yevm üç sûre-i İhlâs-ı şerîf ve bir Fâtihatü’l-kitâb tilâvet edip sevâbını rûh-ı vâkıfeye hibe eyleye deyû şart eylediği menzilde şart-ı vâkıf üzre sâkin olan Mehmed Efendi b. Şaban fevt olup yeri mahlûle olmağın ber mûceb-i şart-ı vâkıfe menzil-i mezbûrun süknâsını müteveffâ-yı merkūmun babası işbu bâ‘isü’l-kitâb fahrü’s-sulehâ Şaban b. Mustafa nâm kimesneye tevcîh olunup işbu vesîka-i enîka alâ mâ hüve’l-hakīka ber sebîli’t-temessük ketb ve imlâ olunup yedine vaz‘ olundu. Hurrire fi’l-yevmi’r-râbi‘ aşer min Rebî‘ilâhir li sene erba‘a ve hamsîn ve elf. Şuhûdü’l-hâl: Fahrü’s-sâlikîn eş-Şeyh Abdullah b. İsâ, Fahrü’l-müderrisîn Mehmed Efendi b. el-merhûm eş-Şeyh Hızır Efendi, Mustafa Beşe b. Mehmed el-Muhtesib, Ali Beşe b. Mustafa, muharriru’l-hurûf Hidâyetullah, Süleyman b. Mehmed ve gayruhüm