Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 129 Hüküm no: 120 Orijinal metin no: [23a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem Hâtun bt. Mehmed ile zevci Baba Yusuf b. Mustafa’nın muhâlaa ile boşandıkları Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Câmi‘-i Kebîr mahallesinde sâkine Meryem Hâtun bt. Mehmed nâm hâtun meclisü’ş-şerî‘ati’ş-şerîfeti’l-garrâ ve mahfilü’t-tarîkati’r-refî‘ati’z-zehrâda hâzır olup zevci hâmil-i hâze’l-kitâb Baba Yusuf b. Mustafa nâm kimesne ile muhâla‘a olduğunu ikrâr edip ol dahi onunla nikâhlarında ma‘kūdun aleyh olan kadri ve nisâbı beş yüz dirhem fıddî râyic fi’l-vakt olan mehr-i müecceli ile nafaka-i iddeti ve me’ûnet-i süknâsı mukābilinde muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini hukūk-ı zevciyyete müte‘allik cemî‘ de‘âvî ve mütâlebâtdan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fi’l-yevmi’l-hâmis aşer min şehri Rebî‘ilâhir li sene erba‘a ve hamsîn ve elf. Şuhûdü’l-hâl: İsmail Beşe b. Abdullah Papuççu, Ahmed b. ( ), Mahmud Efendi b. Mustafa el-İmâm, Mustafa b. Turgud Habbâz, Baba Süleyman [b.] Durak, Mustafa Çelebi b. Veli ve gayruhüm mine’l-huzzâr