Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 247 Hüküm no: 258 Orijinal metin no: [33a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman b. İlyas’ın evinin eşyalarının karısı Peymâne’ye ait olduğunu beyanı Dârü’l-hilâfeti’l-aliyye Kostantıniyye el-mahmiyye’de dergâh-ı âlî -dâme mahfûfen bi’l-me‘âlî- yeniçerilerine mahsûs Yeni odalar demekle ma‘rûf odalar kurbunda Mustafa Bey mahallesi sâkinlerinden Osman b. İlyas nâm kimesne meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda işbu bâ‘isetü’l-kitâb zevce-i menkûhası Peymâne bt. Abdullah nâm hâtun mahzarında ikrâr ve takrîr-i kelâm edip zevcem mezbûre Peymâne Hâtun ile mahalle-i mezbûrede icâre ile sâkin olduğumuz menzilimizin içinde olan esâs-ı menzil ve evânî-i nühâsiyye ve gayrı nühâsiyye ve sâir her ne var ise zevcem mezbûre Peymâne Hâtunu’ndur benim üzerimde lâbis olduğum libâsımdan gayrı bir nesnem yokdur dedikde gıbbe’t-tasdîki’ş-şer‘î mâ hüve’l-vâki‘ bi’l-ibtigā ketb ve imlâ olundu. Fi’l-yevmi’t-tâsi‘ min Cumâdelâhire li sene seb‘a ve seb‘în ve elf. Şuhûdü’l-hâl: Mehmed Efendi b. Hasan el-İmâm, Mustafa Efendi b. Mehmed el-Müezzin, Hüseyin Bey b. Ali, Musa Bey b. İshak, Ömer Çelebi b. Mehmed, Mehmed Çelebi el-Attâr, nalçacı İbrahim Beşe b. Abdullah, Şükrullah Bey b. Mustafa, Abdi Çelebi b. Hüseyin.