Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 248 Hüküm no: 259 Orijinal metin no: [33a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Peymâne’nin tek vârisinin kocası Osman b. İlyas olduğu beyanı Dârü’l-hilâfeti’l-aliyye Kostantıniyye el-mahmiyye’de dergâh-ı âlî -dâme merci‘an li’l-e‘âlî- yeniçerilerine mahsûs Yeni odalar demekle ma‘rûf odalar kurbunda Mustafa Bey mahallesi sâkinelerinden Peymâne bt. Abdullah nâm hâtun meclis-i şer‘-i şerîf-i Ahmedî ve mahfil-i dîn-i münîf-i Muhammedî’de zevci bâ‘isü’l-kitâb Osman b. İlyas nâm kimesne mahzarında ikrâr ve takrîr-i kelâm edip zevcim mezbûr Osman’dan gayrı vârisim olmamağla bi irâdeti’llâhi’l-meliki’l-müte‘âl dâr-ı fenâdan dâr-ı bekāya intikāl ve irtihâl eylediğimde terekenin nısfını farziyyet cihetiyle aldığından sonra nısf-ı âhardan dahi alâ tarîki’l-vasiyye alsın deyû vasiyyet etmeğin mâ vaka‘a bi’t-taleb ketb olundu. Fi’l-yevmi’t-tâsi‘ min Cumâdelâhire li sene seb‘a ve seb‘în ve elf. Şuhûdü’l-hâl: Es-Sâbikūn.