Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 176 Hüküm no: 183 Orijinal metin no: [35b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hâtun bt. Vildan ile kocası el-Hâc Mustafa Beşe b. Ahmed’in muhâlaa ile boşandıkları Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Kasımpaşa mahallesinde sâkine Sâliha Hâtun bt. Vildan nâm hâtun meclisü’ş-şerî‘ati’ş-şerîfeti’l-garrâ ve mahfilü’t-tarîkati’r-refî‘ati’z-zehrâda hâzır olup zevci Mustafa Beşe b. Ahmed ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı bin dirhem fıddî cedîd ceyyid râyic fi’l-vakt olan mehr-i müecceli ile nafaka-i iddeti ve me’ûnet-i süknâsı üzerine muhâla‘a-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini cemî‘ de‘âvî ve mütâlebât ve eymân ve muhâsamâtdan umûmen ve hukūk-ı zevciyyete müte‘allik de‘âvîden husûsan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ etmeğin [kayd olundu]. Cerâ zâlike ve hurrire fi’s-sâbi‘ min Cumâdelûlâ li sene erba‘a ve hamsîn ve elf. Şuhûdü’l-hâl: Hüseyin Çelebi b. Mehmed er-Râcil, Musa b. Mehmed, Mustafa Beşe b. Mehmed, Hüseyin Çelebi b. Ali ve gayruhüm mine’l-hâzırîn