Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 228 Hüküm no: 252 Orijinal metin no: [47a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiryako v. Kostakarilo’nun zevcesi Yanola bt. Nikola’yı boşadığı Sâbıkan Trapoliçe kasabasından olan Kiryako v. Kostakarilo nâm zimmî meclis-i şer‘-i şerîfde râfi‘ü hâze’l-kitâb sulbî kızı Yanola nâm Nasrâniyye kıbelinden ikrâr-ı câ’î beyânı tasdîke vekîl olup şer‘an vekâleti bimâ hüve nehcü’s-sübût sâbite olan Nikola v. ( ) nâm zimmî mahzarında ikrâr ve i‘tirâf edip zevcesi ve halîlesi Nasrâniyye-i mezbûreyi talâk-ı bâyin ile tatlîk ve bâyin ettikde akd-i cedîd ve sadâk-ı müste’nef olmaksızın kendisine helâl olmamak üzre bâyin oldukda ikrâr-ı sahîh-i şer‘î ve i‘tirâf-ı sarîh-i mer‘î men lehü’t-tasdîk kıbelinden dahi vicâhen ve şifâhen tasdîk olunmağın [kayd olundu]. Cerâ zâlike ve hurrire fi’l-yevmi’s-sâmin ve’l-ışrîn min Cumâdelûlâ li sene erba‘a ve hamsîn ve elf. Şuhûdü’l-hâl: Nikola v. Kostandil, İstefani v. Yorgi, İstati v. Nikola, Panayot v. İstemad, Dimitri v. Panayot, Yorgi v. İstemad, Nikola Katırcı