Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 260 Hüküm no: 297 Orijinal metin no: [55a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice Hâtun bt. Ali ile kocası Ali Beşe b. Abdullah’ın muhâlaa ile boşandıkları Ebâ Eyyûb el-Ensârî -radiye anhu Rabbühü’l-Bârî- mahallâtından Takyecibaşı mahallesinde sâkine Hatice Hâtun bt. Ali nâm hâtun -tağyîr ve tahrîfden korunmuş olan- meclis-i şer‘-i şerîf ve mahfil-i dîn-i münîfde ikrâr ve i‘tirâf edip zevci râfi‘ü hâze’l-kitâb Ali Beşe b. Abdullah er-Râcil nâm kimesne ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı iki bin dirhem cedîd ceyyid fıddî râyic fi’l-vakt olan mehr-i müecceli ile aralarında ilm-i şer‘î ile ma‘lûme olan nafaka-i iddeti ve me’ûnet-i süknâ kendi üzerine olmak üzre muhâla‘a-i sahîha-i şer‘iyye ile muhâla‘a olmağın akd-i cedîd ve sadâk-ı müste’nef olmaksızın kendisine helâl olmamak üzre bâyin oldukdan sonra her biri âharın zimmetini hukūk-ı zevciyyete müte‘allik cemî‘ de‘âvî ve mütâlebât ve eymân ve muhâsamâtdan umûmen ve husûsan ibrâ-i âmm-ı kātı‘ü’n li’n-nizâ‘ ve râfi‘ün li’l-husûmet ile ibrâ ettikde ikrâr-ı sahîh-i şer‘î ve i‘tirâf-ı sarîh-i mer‘î men lehü’t-tasdîk kıbelinden dahi vicâhen ve şifâhen tasdîk olunmağın [kayd olundu]. Cerâ zâlike ve hurrire fi’l-yevmi’s-sâbi‘ min Cumâdelâhire li sene erba‘a ve hamsîn ve elf. Şuhûdü’l-hâl: Mustafa Beşe b. Mehmed, Ali Beşe b. Mustafa, Mustafa Beşe b. Veli, İbrahim b. Mustafa, Hasan b. Ali, Bayram Sofu