Eyüb Mahkemesi (Havass-ı Refia) 49 Numaralı Sicil (H. 1054 / M. 1644) cilt: 26, sayfa: 270 Hüküm no: 310 Orijinal metin no: [57a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eyüp subaşısı firâr ettiğinden yerine Ali’nin subaşı olarak tayin edilmesine dâir Mûcebince buyruldu fî 20 RA [Rebî‘ilevvel] sene 1054. Vasale ileynâ fi’l-yevmi’l-ışrîn min şehri Rebî‘ilevvel. Südde-i felek-sidre-i arzuhâl-i bende-i bî-vücûd budur ki: Medîne-i Hazret-i Ebâ Eyyûb el-Ensârî subaşılığının kıstı feth-i hâkānîden beri Hazret-i müşârün-ileyhin evkāf-ı şerîfelerine mahsûl mukayyed olmağla hâlen medîne-i mezbûre subaşısı olan Ahmed nâm kimesneden zamân-ı tasarrufunda vakfa âid olan mahsûlü vakf için taleb olundukda firâr ve gaybet edip bir haftadır yeri hâlî ve mu‘attaldır yerine râfi‘ü rik‘a-i ubûdiyyet Ali nâm bendeleri vakf-ı şerîfe âid olan mahsûlünü edâya müte‘ahhid olup ve hizmet-i subaşılık uhdesinden gelmeğe kādir kulları olmağın sadaka ve tevcîh buyrulmak ricâsına pâye-i serîr-i a‘lâya arz olundu bâkī fermân dergâh-ı ma‘delet-masîrindir. Bende Hasan el-Mütevellî