Eyüb Mahkemesi (Havass-ı Refia) 61 Numaralı Sicil (H. 1065- 1066 / M. 1655) cilt: 27, sayfa: 65 Hüküm no: 27 Orijinal metin no: [6a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rali v. İstati’nin Hüseyin b. Hasan’dan aldığı borca karşılık evi ile bağını rehin gösterdiği Havâss-ı aliyye kazâsına tâbi‘ Küçükköy demekle ma‘rûf karyede sâkin Rali v. İstati nâm zimmî meclis-i şer‘-i şerîf-i lâzımü’t-tevkīrde Hüseyin b. Hasan nâm sagīrin kıbel-i şer‘-i kavîmden mansûb vasîsi olan işbu hâmilü’l-kitâb Cafer b. Ahmed nâm kimesne mahzarında bi’t-tav‘ ve’r-rızâ ikrâr-ı tâm ve takrîr-i kelâm edip târih-i kitâbdan üç yüz altmış gün tamâmına değin müeccel ve mev‘ûd cihet-i deyn-i şer‘îden sagīr-i mezbûr Hüseyin mâlından yüz doksan kıt‘a riyâlî kebîr guruş zimmetimde lâzımü’l-edâ ve vâcibü’l-kazâ deynim olmağın meblağ-ı mezbûr mukābelesinde karye-i mezbûrede vâki‘ bir tarafdan Ruso mülkü ve bir tarafdan Zaharya mülkü ve bir tarafdan Suyolcu Yanko mülkü ve bir tarafdan tarîk-i âm ile mahdûd mülk menzilim ile yine karye-i merkūme[de] vâki‘ etrâf-ı erba‘ası Yani ve Franko ve Nikola nâm zimmîler bağları ve kenîse bağı ile mahdûd bir kıt‘a mülk bağımı vasiyy-i mezbûr Cafer’in yedine rehin vaz‘ ve teslîm edip ol dahi vech-i muharrer üzre irtihân [ve] kabz ve tesellüm ve kabûl eyledi dedikde mukırr-ı mezbûrun minvâl-i meşrûh üzre cârî ve sâdır olan ikrârını merkūm Cafer vicâhen ve şifâhen tasdîk ve tahkīk etmeğin mâ vaka‘a bi’l-ibtigā ketb olundu. Fi’l-yevmi’s-sâdis min Şa‘bâni’l-mu‘azzam li sene hamsin ve sittîn ve elf. Şuhûdü’l-hâl: Mehmed Efendi b. Habil, Mustafa Beşe b. Abdullah çukadâr, Abdullah Beşe b. İskender, Osman Beşe b. Bayram ve gayruhüm mine’l-hâzırîn Zağri?, Yani, Nikola, Yamandi ve İstepan, Kiro?, diğer Kiro ve gayr